گوجرخان (نامہ نگار)گوجر خان میں پانی کا بحران، شہر کی نواحی آبادیوں میں کئی کئی روز پانی سپلائی نہ ہونے کے باعث آبادی مکین سخت اذیت سے دوچار ،شہر کی واٹر سپلائی پرکروڑوں روپے خرچ کئے اور ماہانہ بل بھی بلدیہ کی طرف سے کئی گنا بڑھا دیئے گئے لیکن شہر میں پانی کا بحران بدستور موجود ہے بلدیہ شہر میں پانی کا مسئلہ حل کرے ان خیالات کا اظہار سابق کونسلر شہزادہ خان نے اپنے اخباری بیان میں کیا انہوں نے کہا کہ گوجرخان شہر میں واٹر سپلائی سکیم پر ہر ادوار میں کروڑوں روپے خرچ کیے گئے تاکہ پانی کا مسئلہ شہر میں حل ہو سکے لیکن نواحی آبادیوں میں آج بھی پانی کابحران بدستور ہے شہر کی واٹر سپلائی سکیم پر خطیر رقم خرچ کی گئی واٹر سپلائی کے بل بھی بڑھا دیے گئے لیکن مسئلہ جو کاتوں ہے شہر میں پانی کا مسئلہ حل کر کے عوام کی مشکلات ختم کی جائیں۔