لاہور (اےن اےن آئی) پاکستان اور نیوزی لینڈ کی کرکٹ ٹیموںکے درمیان تےن میچوں کی سےرےز کا تیسرا ون ڈے میچ کل 9 نومبر بروز پیر کو ابوظہبی مےں کھےلا جائے گا۔ پہلے ون ڈے میں پاکستان نے 138 رنز سے کامیابی حاصل کی اور دوسرے ون ڈے میچ میں نیوزی لینڈ نے 64 رنز سے کامیابی حاصل کی۔ دونوں ٹیموں کے مابین سےرےز 1-1 سے برابر ہونے کی وجہ سے دونوں ٹیموں کی نظریں 9 نومبر کو ہونے والے سیریز کے تیسرے اور آخری ون ڈے میچ پر ہیں اور دونوں ٹیموں کے کپتانوں کی جانب سے تیسرا میچ جیت کر سیریز جیتنے کے دعوے کئے جا رہے ہیں۔ دیکھنا یہ ہے کہ تیسرا میچ کونسی ٹیم جیتتی ہے۔