مانانوالہ (نامہ نگار) ویگن موٹر سائیکل سے ٹکرا گئی جس سے خاتون بیٹے اور نند سمیت جاں بحق جبکہ انکا خاوند زخمی ہو گیا۔ تفصیل کے مطابق کالوکے فاروق آباد کا رہائشی محمد مقصود اپنی بیوی عابدہ، بہن سکینہ بی بی اور کم عمر بیٹے فیضان کے ہمراہ موٹر سائیکل پر مانانوالہ کے نواحی گاﺅں جھلا پھلہ سنگھ میں اپنے قریبی عزیزوں کے ہاں فوتیدگی پر آ رہا تھا کہ لاگر کے قریب تیز رفتار ویگن نے ٹکر مار دی جس کے نتیجے میں عابدہ سکینہ اور فیضان موقع پر ہی دم توڑ گئے جبکہ مقصود شدید زخمی ہو گیا جسے ہسپتال داخل کرا دیا گیا جہاں اس کی حالت انتہائی تشویشناک بیان کی گئی ہے۔ حادثہ میں جاں بحق ہونے والے افراد کی نعشیں ان کے گھر پہنچنے پر کہرام مچ گیا۔ ورثاءنے حادثہ کے مرتکب ویگن ڈرائیو محمد امین کو معاف کر دیا۔