بالاکوٹ: ریچھ کا حملہ، طالبعلم اور اسکی والدہ زخمی

مانسہرہ (نوائے وقت رپورٹ) بالاکوٹ میں ریچھ نے حملہ کرکے نویں جماعت کے طالب علم اور اسکی والدہ کو زخمی کردیا۔ پولیس کے مطابق طالب علم ساجد سکول جارہا تھا کہ راستے میں ریچھ نے حملہ کردیا۔ اہل علاقہ نے بتایا کہ گزشتہ ایک ہفتے میں ریچھ کے حملوں میں 7 افراد زخمی ہوچکے ہیں۔ حفاظتی اقدامات نہ کرنے پر علاقہ مکینوں نے محکمہ وائلڈ لائف کے خلاف احتجاج کیا۔