لاہور+اسلام آباد(نمائندہ سپورٹس+خبر نگار+سپورٹس رپورٹر)پریذیڈنٹ گولڈ کپ انٹرنیشنل سکواش چیمپئن شپ 2015 کے مین راؤنڈز کا مصحف سکواش کمپلکس اسلام آباد میں آغازہوا۔ پاکستان کے فرحان محبوب، طیب اسلم ، ناصر اقبال اوردانش اطلس نے اپنے میچز جیت کر کوارٹر فائنلز کے لئے کوالیفائی کیا۔ کوارٹر فائنل کھیلنے والے دیگر کھلاڑیوں میں مصر کے کھلاڑی عمر عبد المغیداورکریم الفتحی ، امریکی کھلاڑی ٹاد ہمیٹی، اوراردن کے احمد السراج نے بھی اپنے میچز میں کامیابی حاصل کر کے کوارٹر فائنل میں جگہ بنا لی۔ مین راؤنڈ کے مقابلوںمیں مصر کے کھلاڑی عمر عبد المغید نے پاکستانی کھلاڑی عاصم خان کو گیارہ۔نو،گیارہ۔دو اور چودہ۔بارہ سے، دوسرے میچ میں فرحان محبوب نے اپنے ہم وطن کھلاڑی خواجہ عادل مقبول کوپانچ۔گیارہ، گیارہ سات، گیارہ چھ اور گیارہ پانچ سے، تیسرے میچ میںاردن کے کھلاڑی احمد السراج نے آسٹریا کے کھلاڑی عقیل رحمن کو بھی آٹھ۔گیارہ، گیارہ۔تین، گیارہ۔آٹھ اور گیارہ۔ سات سے، چوتھے میچ میں ناصر اقبال نے وقار محبوب کو گیارہ۔ چار،گیارہ۔نو اور گیارہ۔سات سے، پانچویں میچ میں امریکی کھلاڑی ٹاڈ ہیئمٹی نے پاکستانی کھلاڑی اسرار احمد کو گیارہ۔چھ،تیرہ۔گیارہ اور گیارہ تین سے، چھٹے میچ میں طیب اسلم نے محمد ثاقب یوسف کوگیارہ۔نو، گیارہ۔آٹھ، دس۔بارہ اور گیارہ۔نو سے،ساتویں میچ میںمصر کے کھلاڑی کریم الفتحی نے پاکستانی کھلاڑی عباس شوکت کو 11-3، 11-7 اور 11-5 سے جبکہ آٹھویں اور آخری میچ میںدانش اطلس نے رئیس خان کوگیارہ۔سات، گیارہ ۔چار، گیارہ سات سے شکست دیکر کوارٹرفائنل میں جگہ بنا لی۔