میلبورن (اے پی پی) کرکٹ آسٹریلیا کی سلیکشن کمیٹی نے آسٹریلیا اور انگلینڈ ویمن ٹیموں کے درمیان رواں ایشز سیریز کے سلسلے میں شیڈول واحد ٹیسٹ میچ کیلئے 13 رکنی سکواڈ کا اعلان کر دیا، لیگ سپنر کرسٹن بیمز کو ڈراپ کر کے امانڈا جیڈ ویلنگٹن میں ٹیم میں شامل کر لیا گیا ہے، آسٹریلیا اور انگلینڈ ویمن کے درمیان ٹیسٹ آج بدھ سے شروع ہو گا، اس سے قبل کھیلی گئی تین ایک روزہ میچوں کی سیریز میں میزبان آسٹریلوی ٹیم 2-1 سے کامیاب رہی تھی۔ اعلان کردہ سکواڈ کپتان ریکائل ہائنز، ایلکس بلیک ویل، نیکول بولٹن، لارین چیتل، ایشلائیگ گارڈنر، علیسا ہیلی، جیس جوناسین، تاہیلا میگراتھ، بیتھ مونی، علیزے پری، میگن سکٹ، علیزے ویلانی اور امانڈا جیڈ ویلنگٹن پر مشتمل ہے۔