اسلام آباد ( نامہ نگار) وفاقی نظامت تعلیمات‘ شعبہ امتحانات‘ اسلام آباد کے تحت سالانہ مرکزی امتحانات برائے جماعت پنجم اور امتحانات برائے وظائف کلاس ہشتم سال 2019 فروری میں لئے جائیں گے۔ جس کیلئے داخلہ فارم 8 نومبر 2018ء سے جاری کیے جائیں گے۔ پرائیویٹ امیدواروں کی فیس میں کوئی اضافہ نہیں کیا گیا جبکہ سرکاری تعلیمی اداروں کے طالب علم بغیر فیس امتحانات میں شرکت کریں گے۔ نمایاں کارکردگی دکھانے والے کلاس پنجم کے 300 اور جماعت ہشتم کے 200 طلبہ وطالبات کو وظائف دئیے جاتے ہیں۔ ٹاپ 10 پوزیشن ہولڈرز کو نقد انعامات اور سرٹیفکیٹ دئیے جائیں گے۔