کراچی (اسپورٹس رپورٹر) لیثررلیگس کے زیر اہتمام سکسٹین اسٹار گراؤنڈکی سرسبز فیلڈ پر انٹرکلبس چمپئن شپ کے دوسرے لیگ راؤنڈ میں 7میچوں کے فیصلے ہوگئے جبکہ ایک مقابلہ برابری پر ختم ہوا۔ رئیل اسٹار‘ نارتھ ایف سی‘معمار اسپورٹس‘تاج سینٹراور بلیک فورٹس کا سفر ختم ۔ریاض احمد، ایریا منیجر کراچی کے مطابق گروپ ’اے‘ میں فینکس ایف سی نے پارک ویو کو 4-1کی کاری ضرب لگائی۔گروپ ’بی‘ میں ریڈزکالج کو نارتھ ایف سی پر 2-1کی سبقت حاصل ہوئی۔رافع انصاری نے اپنی ٹیم کیلئے 2گول جبکہ خلیفہ نے اپنی ٹیم کے خسارے کو کم کیا۔گروپ ’سی‘ میں کراچی سٹی اوربرنلے ایف سی کا مقابلہ 0-0کی برابری پر ختم ہوا۔گروپ ’ڈی‘ میں رینیگیٹس نے ریڈ آرمی کو 2-1سے مات دی۔گروپ ’ای‘ میںایونٹ کے دوسرے راؤنڈ کا سب سے سنسنی خیز مقابلہ ڈسٹرکٹ سینٹرل چمپئن معمار اسپورٹس اور شافین ایف سی کے مابین کھیلا گیا۔ معماراسپورٹس مسلسل دوسری شکست کا سامنا کرنے کے باعث ایونٹ سے باہر ہوگئی۔گروپ ’ایف‘ میں آر ایف یونائیٹڈ کو پہلی کامیابی حاصل ہوئی۔ جب انہوں نے ڈریم ایف سی کو 3-1سے ٹھکانے لگایا۔گروپ’جی‘ میں مسلم رینجرز کو تاج سینٹرل کیخلاف عادل کے واحد اورفیصلہ کن گول کی بدولت 1-0کی فتح حاصل ہوئی۔گروپ ـ’ایچ‘ میں قادری اسپورٹس نے بلیک فورٹ کو 3-0کی ضرب لگائی۔ طحہ گوہر نے اپنی ٹیم کیلئے تینوں گول اسکور کرکے ہیٹرک اسکور کرنے کا اعزاز حاصل کیا۔ ریفری ابرار، صدیق، ذوالفقار اور محمد فیاض جبکہ میچ سپروائزر سید خورشید علی شاہ اور ابتسام شہروز تھے۔گروپ میچز کا تیسرا اور آخری راؤنڈ 11نومبر کو کھیلا جائیگا۔