راولپنڈی (اپنے سٹاف رپورٹر سے)تھانہ ائیر پورٹ پولیس نے شیشہ نوشی کرنے والے 6مردوں اورچار عورتوں کو گرفتارکرلیا جن سے حقہ، شیشہ فلیورز ، سائونڈ سسٹم ، شراب اور ناجائزا سلحہ برآمدکرلیا گیا پولیس کو اطلاع ملی تھی کہ ایک نجی سوسائٹی میںکچھ افراد اونچی آواز میں ساؤنڈ سسٹم چلا کر اہل علاقہ کے آرام میں خلل کا باعث بن رہے ہیںجس پر ایس ایچ او ائیر پورٹ نے اپنی ٹیم کے ہمراہ کارروائی کرتے ہوئے شیشہ نوشی میں مگن ملزمان یاسر، شیر رحمان، سیف اللہ، شیراز، یاسر وسیم، خرم ریاض،فرح عابد، ماہ نور،جنت خان اور رابعہ تاشفین سے حقہ، شیشہ فلیورز، ساؤنڈ سسٹم، شراب جبکہ خرم ریاض کے قبضہ سے پستول9ایم ایم برآمدہواملزمان کے خلاف ساؤنڈ سسٹم ایکٹ اور دیگر دفعات کے تحت مقدمہ درج کر لیا گیا۔