بھیرہ: گیس سلنڈر کے پائپ میں آگ لگنے سے 4 بچوں سمیت 6 افراد جھلس گئے 

بھیرہ (نامہ نگار)گیس سلنڈر کے پائپ میں اچانک آگ بھڑکنے سے 4 بچوں سمیت 6 افراد بری طرح جھلس گئے۔ محلہ چٹی پل کا محنت کش شجر علی اپنی ریڑھی پر گیس سلنڈر رکھ کر چپس بنا رہا تھا کہ سلنڈر کے پائپ میں اچانک آگ بھڑک اٹھی جس سے شجر علی اور ریڑھی پر کھڑے گلزار احمد کے علاوہ 6 سالہ صائم،5 سالہ علی حیدر،7 سالہ سمیع اللہ اور 9 سالہ بچی کشف بری طرح جھلس گئے جنہیں فوری طور پر تحصیل ہیڈ کوارٹر ہسپتال بھیرہ منتقل کر دیا گیا ہے جہاں انہیں طبی امداد فراہم کی جارہی ہے ہسپتال ذرائع کے مطابق تمام زخمیوں کی حالت خطرے سے باہر ہے۔