کراچی (سٹی نیوز) نارتھ ناظم آباد میں فلمی اندازمیں ڈکیتی کرنے والے جمعدارنکلے ، پولیس نے لوٹ مار کے مرکزی ملزم کو گرفتار کرلیا ہے۔تفصیلات کے مطابق کراچی پولیس نے نارتھ ناظم آباد میں فوٹواسٹوڈیو میں لوٹ مار کے مرکزی ملزم گرفتار کو گرفتار کرلیا۔ایس ایس پی سینٹرل عارف اسلم راو نے بتایا کہ ملزم سنی مسیح کوتیموریہ تھانے نے گرفتار کیا، ملزم نے 2اکتوبر کو ساتھیوں کی ساتھ فوٹو لیب میں ڈکیتی کی تھی، سی سی ٹی وی فوٹیج میں ملزم کوواضح طورپراسلحے کے زورپرفوٹو لیب میں لوٹ مار کرتے دیکھا جاسکتا ہے۔عارف اسلم راو کا کہنا تھا کہ ڈکیتی کے دوران والد کی گود میں بیٹھا بچہ بھی خوفزدہ لوٹ مار دیکھتارہا جبکہ ہیلمٹ پہنے دوسرا ملزم مسلسل سگریٹ سلگاتا اوراسلحہ لہراتا رہا، ہیلمٹ پہنے ملزم کا نام آصف عرف کالی ہے۔