ڈی جی ایف آئی اے کا کراچی  میں  سائبر سرکل کا دورہ

کراچی(این این آئی)ڈی جی ایف آئی اے ثنا اللہ عباسی نے کراچی میں ایف آئی اے سائبر سرکل کا دورہ کیا۔ترجمان ایف آئی اے کے مطابق ثنا اللہ عباسی نے سائبر سرکل کی کارکردگی اور کامیابیوں کو سراہا۔ ثنا اللہ عباسی نے کہا کہ سائبر کرائم سرکل کے قیام اور شکایات کے فوری ازالے سے عوام خوش ہے۔انہوں نے کہا کہ عوام میں سائبر کرائم سے متعلق شعور بیدار ہو رہا ہے۔ترجمان ایف آئی اے کے مطابق ڈی جی ایف آئی اے نے تمام ایف آئی اے افسران و اہلکاروں کو تعریفی اسناد بھی دیں۔