ایم کیو ایم لندن کا ٹارگٹ کلر افروز عالم عرف گڈواسلحے سمیت گرفتار 

کراچی(این این آئی)کراچی پولیس نے جوہر آباد کے علاقے سے ٹارگٹ کلنگ کی متعدد وارداتوں میں ملوث ایم کیو ایم لندن کے ٹارگٹ کلر افروز عالم عرف گڈو ناکام کو اسلحے سمیت گرفتار کر لیاہے۔دوران تفتیش ملزم نے بتایا کہ اس نے سیاسی جماعت کی ایما پر مذہبی اور سیاسی بنیادوں پر متعدد ٹارگٹ کلنگ کی وارداتیں انجام دیں جن کی تعداد اس کو خود بھی یاد نہیں ہے۔ملزم 1998 سے اب تک درجنوں دفعہ جیل جا چکا ہے، افروز عالم کو ATC کورٹ سے 21 سال کی سزا بھی ہوئی تھی۔افروز عالم اورنگی ٹائون میں ایکٹیو رکن تھا اور افسر زیدی کے ساتھ منسلک تھا۔