نوشہرہ ورکاں:نوجوان کو گولیاں مار کر قتل کرڈالا،مدرسے میں فائرنگ،لڑکی زخمی

نوشہرہ ورکاں(نامہ نگار+نمائندہ نوائے وقت )بیس سالہ نوجوان کی سیم نالہ سے نعش برآمد،دو روز قبل لاپتہ ہوا تھا، نواحی گاوں ساگو بھاگو کے رہائشی محنت کش عاشق مسیح کا بیس سالہ بیٹا ولیم مسیح کو  دو روز قبل رات گئے نامعلوم افراد موٹر سائیکل پر بٹھا کرلے گئے ولیم کے واپس نہ آنے پر اہلخانہ نے اسکی تلاش شروع کی تو گذشتہ روز  پنجگرائیں سیم نالہ کی پٹری سے اسکی نعش برآمد ہوئی جسے نامعلوم افراد نے چہرے پر فائر مار کرقتل کیا اطلاع ملنے پر پولیس نے نعش کو ٹی ایچ کیو ہسپتال منتقل کیا اور مقتول کے والد کی مدعیت میںمقدمہ درج کرلیا ایس ایچ او خرم گل نے بتایا کہ تفتیش جاری ہے کچھ مشکوک افراد کو حراست میں  لے لیا ہے جلد اصل قاتل قانون کی گرفت میں ہوں گے، مقتول کی چند روز بعد شادی تھی۔دریں اثناء نواحی گاوں ببر میں مدرسہ کی زمین کے تنازعہ پر  غلام مرتضی اور انجم شاہ وغیر نے قاری ذوالفقار  کے مدرسے میں گھس کر فائرنگ کردی جس سے قاری کی انیس سالہ بیٹی انعم فاطمہ شدید زخمی ہوگئی ریسکیو ٹیم نے لڑکی کو طبی امداد کے بعد ٹی ایچ کیو ہسپتال منتقل کیا اور پولیس نے مقدمہ درج کرلیا۔