آئی سی سی مینز ٹی ٹوئنٹی ورلڈ کپ میں سپر 12مرحلے کے آخری میچ میں اسکاٹ لینڈ کو شکست دے کر قومی کرکٹ ٹیم نے خوب جشن منایااور کرکٹر حارث روف کی سالگرہ بھی منائی۔شارجہ میں اسکاٹ لینڈ کے خلاف میچ جیت کر ٹیم نے حارث روف کی سالگرہ منائی۔ حارث روف نے کیک کاٹا۔سالگرہ میں اسکاٹ لینڈ کے کھلاڑی بھی موجود تھے۔ قومی کرکٹ ٹیم کے کھلاڑی اسکاٹش کھلاڑیوں کے ساتھ گھل مل گئے اور خوب گپیں لگائیں۔پی سی بی نے حارث روف کی سالگرہ منانے کی ویڈیو سوشل میڈیا ویب سائٹ ٹوئٹر پر شیئر کی ہے۔
Pakistan team celebrate birthday of @HarisRauf14 with @CricketScotland! ???????? pic.twitter.com/bDduYboyML
— Pakistan Cricket (@TheRealPCB) November 7, 2021
اسکاٹ لینڈ کرکٹ بورڈ نے بھی پاکستانی کھلاڑیوں اور اسکاٹ لینڈ لینڈ کے کھلاڑیوں کی تصاویر اور ویڈیو ٹوئٹر پر شیئر کی ہیں۔
This > All else. pic.twitter.com/NOkp4hhDo6
— Cricket Scotland (@CricketScotland) November 7, 2021
اسکاٹ لینڈ کرکٹ بورڈ نے کھلاڑیوں کی سپورٹس مین شپ کو سراہتے ہوئے تصاویر کے ساتھ ٹویٹ میں لکھا ہے یہ سب سے برتر چیز ہے۔
یاد رہے کہ پاکستان نے اپنے آخری گروپ میچ میں اسکاٹ لینڈ کے خلاف کامیابی حاصل کی ہے اور گروپ میچز میں ناقابل شکست رہنے والی واحد ٹیم بن گئی ہے۔
پاکستان اب ٹی ٹوئنٹی ورلڈ کے سیمی فائنل میں آسٹریلیا سے مد مقابل ہو گا۔ کپتان بابراعظم کا کہنا ہے کہ وہ جیت کا تسلسل ایسے ہی برقرار رکھنے کی کوشش کریں گے۔
