لاہور(سپورٹس رپورٹر)قومی کرکٹ ٹیم کے سابق کپتان معین خان نے کہا ہے کہ نیدر لینڈز کا ہمیں شکریہ ادا کرنا چاہیے، ورلڈکپ کے بعد نیدرلینڈز کی ٹیم کو پاکستان جلد از جلد بلانا چاہیے۔ سب یہی چاہتے تھے کہ پاکستان آگے جائے، اب یہاں سے پاکستان کو نہیں ہارنا چاہیے۔ بابر اعظم کو سیمی فائنل میں اوپننگ نہیں کرنی چاہیے، سیمی فائنل میں حارث سے اوپننگ کرانی چاہیے، شاہین شاہ آفریدی نے  بنگلہ دیش کیخلاف میچ میں بہترین پرفارمنس دی ہے۔قومی ٹیم کے سابق فاسٹ بولر عاقب جاوید کا کہنا تھا کہ فاسٹ بائولرکیلئے انجری سے کم بیک کرنا آسان نہیں ہوتا، نوجوان بیٹر حارث کے حوالے سے کہا کہ حارث کو کہنا چاہیے کہ ٹی ٹونٹی میں اگلے دو تین سال تمہارے ہیں۔ آل رائونڈر عماد وسیم کا کہنا تھا کہا اب ہم ورلڈکپ جیتیں گے، یہ ورلڈکپ ہمارا ہی ہے۔