لاہور(سپورٹس رپورٹر)جنوبی افریقی کرکٹ بورڈ نے ٹی ٹونٹی ورلڈ میں نیدر لینڈز کے ہاتھوں اپنی ٹیم کی شکست کو حیران کن اور مایوس کن قرار دیا ہے۔بورڈ نے کہا ہے کہ حقیقت یہ ہے کہ ٹیم نے توقعات کے مطابق پرفارم نہیں کیا جس کا نتیجہ مایوسی کی صورت میں نکلا، اب یہ ہماری ذمہ داری ہے کہ آنے والے ٹی ٹونٹی ورلڈکپ کیلئے بنیادی طور پر چیزوں کو بہتر کریں۔ مینجمنٹ کو امید تھی کہ جنوبی افریقہ کی ٹیم فائنل تک رسائی حاصل کریگی، بورڈ نے ٹیم کو سپورٹ کیا اور اس سے بڑی امیدیں لگائیں مگر بدقسمتی سے ٹیم امیدوں کو پورا نہ کرسکی تاہم مستقبل میں بھی ٹیم کی سپورٹ ضروری ہے۔ بظاہر اس مایوسی کا سامنا کرنا مشکل ہے تاہم ہمارا فوکس اب ٹیم کو دوبارہ بہتر بنانے اور کامیابیوں پر پرہونا چاہیے، اس تجربے سے سبق سیکھیں اور مستقبل کیلئے کمزوریوں پر قابو پائیں۔