ہوسڑی پولیس کی کارروائیاں،منشیات فروش شراب و مین پوری سمیت گرفتار

حیدرآباد(بیورو رپورٹ)ہوسڑی پولیس کی کارروائیوں میں کچی شراب اور مین پوری سپلائرز و ڈیلر گرفتار، مقدمات درج۔حیدرآباد پولیس کا سماجی برائیوں کے خلاف کریک ڈان جاری،تھانہ ہوسڑی  کے ڈی ایس پی و ایس ایچ او کی اپنے اسٹاف کے ہمراہ کاروائیوں کے دوران مختلف مقامات  سے مین پوری و منشیات ڈیلر و سپلائرز گرفتار ۔لنک روڈ محراب سولنگی کے قریب سے منشیات  فروش  غلام قادر سولنگی کو کچی شراب سپلائی کرتے ہوئے20  لیٹر کچی شراب  سمیت گرفتار کرلیا گیا۔لنک روڈ کوڈو ماچھی ہوسڑی  سے مین پوری فروش دلدار200  عدد تیار شدہ مین پوری سمیت گرفتار کرلیا گیا۔ہوسڑی پولیس نے  مقدمات درج کرلیے،گرفتار ملزمان سے مزید تفتیش جاری ہے۔جبکہ حسین آباد پولیس کی چھاپہ مار کاروائیوں کے دوران ،آئیس ڈیلر سمیت مین پوری اور شراب فروش گرفتار کیا گیا ہے ۔ڈی ایس پی حسین آبادکی سربراہی میں ایس ایچ اوکی اپنے اسٹاف کے ہمراہ کاروائیاںدوران پیٹرولنگ مخفی اطلاع پر مختلف مقامات سے کاروائیاں کرتے ہوئے 3 ملزمان کو تیار شدہ مین پوری، شراب کی بوتلوں اور آئیس سمیت گرفتار کرلیا گیا۔اجالا گارڈن گنے کی مشین کے قریب سے مین پوری فروش بنام سید دانش عرف چیف کو 145 عدد تیار شدہ مین پوری سمیت گرفتار کرلیا۔جبکہ ملزم کے 2 ساتھی موقع سے فرار ہونے میں کامیاب ہوگئے۔ مہران آئل مل آٹو بھان روڈ،پاپوش بابا درگاہ حسین آباد سے بھاری مقدار میں منشیات برآمد ہوئی۔