وکلاء برادری کے مسائل سے بخوبی آگاہ ہوں: عمر حیات

بھکھی (نامہ نگار)امیدوار برائے صدر ڈسٹرکٹ بار شیخوپورہ عمر حیات بھٹی نے کہا ہے کی مجھے سینئرز وکلاء کی بھرپور حمایت حاصل ہے۔ میں نصیرالدین خان نیئر گروپ، بخاری گروپ،جاوید رضوی گروپ کے متفقہ پینل کا امیدوار ہوں مجھے نوجوان وکلاء کے ساتھ خواتین وکلاء کی بڑی تعداد کی بھی حمایت حاصل ہے۔ میرا بنیادی ایجنڈا یہ ہے کہ میں نے نوجوان وکلاء کی ویلفیئر کیلئے کام کرنا ہے، ان کو پریکٹس کے آغاز میں جو مسائل درپیش آتے ہیں وہ حل کرنے کی کوشش کروں گا، اس کیساتھ ساتھ بار کی الاٹمنٹ اور وکلاء سوسائٹی کے حوالے سے درپیش مسائل کو حل کروں گا۔ میں پروفیشنل وکیل ہوں سپریم کورٹ کے وکیل کی حیثیت سے جانا جاتا ہوں،اس لیے وکلاء برادری کے مسائل سے بخوبی آگاہ ہوں۔