ملتان (سپورٹس ڈیسک)قومی ٹیم کے وکٹ کیپر بلے باز محمد حارث کا کہنا ہے کہ مجھے جس بھی نمبر پر بھیجا جائے گا وہاں ٹیم کے لیے پرفارم کرنے کی کوشش کروں گا۔ محمد حارث کا کہنا تھا کہ سب سے پہلے میں پوری پاکستان ٹیم اور پاکستان کو سیمی فائنل میں پہنچنے کی مبارکباددیتا ہوں ،اچھا لگتا ہے جب آ پ جنوبی افریقہ جیسی ورلڈ کلاس ٹیم کیخلاف چھکے چوکے مارتے ہیں،جنوبی افریقہ کیخلاف میچ میں میری بیٹنگ دیکھیں تو پریشر نظر نہیں آیا ہوگا ،میں نے خود پر بھروسا کیا،جدھر بال آیا وہیں ہٹ ماری، قومی ٹیم کے لیے اوپننگ کرنے کے سوال پر محمد حارث کا کہنا تھا کہ مجھے جس نمبر پر بھی موقع دیا جائے گا وہاں پرفارم کرنے کی کوشش کروں گا۔
انہوں نے کہا کہ محنت سے اپنی کارکردگی کو برقرار رکھنے کی کوشش کروں گا۔