اماراتی سفیر روجھان پہنچ گئے‘ بلخ شیر مزاری کے ورثاسے اظہار تعزیت

روجھان (خبر نگار ) عرب امارات کے پاکستان میں سفیر حمد عبید الزابی کی وفد کے ہمراہ خصوصی طیارے کے ذریعے روجھان آمد سابق وزیراعظم سردار میر بلغ شیر مزاری کی وفات عرب امارات کے فرماں روا شیخ احمد النیہان کا لواحقین ایم این اے سردار ریاض محمود خان مزاری سابق ڈپٹی سپیکر پنجاب اسمبلی سردار دوست محمد مزاری، سردار دوست علی مزاری، سابق ایم این اے سردار سلیم جان مزاری، سابق وزیرایکسائز سردار زاہد محمود خان مزاری کو تعزیتی پیغام پہنچایا۔ عرب امارات کے پاکستان میں سفیر حمد عبید الزابی نے اس موقع پر گفتگو کرتے ہوئے کہا کہ عرب امارات کے فرماں روا شیخ احمد النہیان سابق وزیراعظم سردار میر بلغ شیر مزاری کو قدر کی  نگاہ سے دیکھتے ہیں انکی وفات پر اپنے پیغام میں عرب امارات کے فرماں روا شیخ احمد النہیان کہنا ہے کہ سابق وزیراعظم سردار بلخ شیر مزاری نے عرب امارات اور پاکستان کے درمیان تعلقات مضبوط کرنے میں اہم کردار ادا کیا۔ انکی وفات سے پیدا ہونیوالا خلا کبھی پر نہیں ہوسکتا۔ عرب امارات کے پاکستانی سفیر حمد عبید الزابی پر مشتمل دس رکنی وفد نے سابق وزیراعظم سردار میر بلغ شیر مزاری کی وفات پر انکے لواحقین سے عرب امارات کے فرماں رواشیخ احمد النہیان کی طرف سے تعزیت کی اور مرحوم سابق وزیراعظم سردار میر بلغ شیر مزاری کی مغفرت اور لواحقین کیلئے صبر کی دعا کی۔
اماراتی سفیر