قومی کرکٹرز کی ٹیم ہوٹل کے قریب مال میں شاپنگ ‘شہریوں کی سیلفیاں

لاہور(سپورٹس رپورٹر)بھارتی شہر کولکتہ میں پاکستانی کرکٹرز شاپنگ کرنے نکل پڑے۔ قومی کرکٹرز نے ٹیم ہوٹل کے قریب واقع مال میں شاپنگ کی، اسامہ میر، محمد حارث، وسیم جونیئر و دیگر شاپنگ کیلئے گئے۔ذرائع کے مطابق قومی کرکٹرز نے مانی سکوائر سے مختلف چیزیں خریدیں، اس موقع پر شاپنگ مال میں موجود افراد پاکستانی کرکٹرز کو دیکھ کر حیران رہ گئے۔مال میں موجود افراد نے پاکستانی کرکٹرز کےساتھ تصاویر بھی بنوائیں اور اگلے میچ کیلئے قومی کرکٹرز کیلئے نیک خواہشات کا اظہار کیا۔