سمبڑیال میں 2نوجوان قتل،نعشیں چوک میں رکھ کرورثاءکا احتجاج

سمبڑیال(نمائندہ نوائے وقت) تلخ کلامی 2 نوجوانوں کی جان لے گئی۔ تفصیلات کے مطابق طارق محمود کا بھائی عمر یعقوب اوردیگرنوجوان فراز چیمہ المعروف بالا ولد افتخاراحمد چیمہ سکنہ محلہ غوث پورہ ودیگر ساتھی موٹر سائیکلو ںپر جارہے تھے کہ دھانانوالی سیم نالہ کے قریب ملزم راسخ عرف راسی، منیر محلہ عبداللہ آباد ،(ٹبہ) ،عمر خاں، عدنان اعظم ،سبحان، قمر وغیرہ نے عمر یعقوب اور فراز کوگولیاں ماردیں جوموقع پر ہی جاں بحق ہوگئے ۔دریں اثناءمقتولین نوجوانوں کے ورثاءنے قتل میں ملوث ملزمان کی گرفتاری کے لیے مقتولین کی لاشیں موڑ سمبڑیال چوک میں رکھ کر شدید احتجاج کیا جس سے ٹریفک بری طرح متاثر ہوئی تاہم پولیس کی طرف سے ملزمان کی جلد گرفتار ی کی یقین دہانی پر ورثاءنے احتجاج ختم کردیا۔ پولیس نے پوسٹ مارٹم کے بعد 6ملزموں اوران کے ساتھیوں کے خلاف قتل کا مقدمہ درج کرلیا۔