ننکانہ؍ موڑ کھنڈا (نامہ نگار) ٹریفک حادثات میں دو بچوں سمیت4افراد جاں بحق  ہوگئے۔ تفصیلات کے مطابق ننکانہ شاہ کوٹ روڈ پر چک وٹواں سٹاپ کے قریب بس نے دو موٹر سائیکل سواروں کو روند ڈالا، دونوں موقع پر ہی دم توڑ گئے جن کی شناخت 35 سالہ عتیق الرحمن اور 38 سالہ حبیب الرحمن کے نام سے ہوئی جبکہ لاہور جڑانوالہ روڈ پر تھانہ منڈی فیض آباد کے گائوں مغلاں والا کے قریب ٹائر پھٹ جانے کے باعث رکشہ الٹ گیا جس میں سکول کے بچے سوار تھے کہ پیچھے سے آنے والے تیز رفتار ٹرک نمبرEA-7463نے 6بچوں کو کچل ڈالا جن میں سے دو بچے 8 سالہ فیضان اور 16 سالہ سلمان زندگی کی بازی ہار گئے جبکہ ایک بچہ اور تین بچیاں زخمی ہو گئیں، زخمی بچوں کو رورل ہیلتھ سنٹر ریحان والا منتقل کر دیا  گیا۔