چینی، یوٹیلٹی سٹورز پر 13، اوپن مارکیٹ میں 10 روپے سستی، چائے کے نرخ بھی کم 

لاہور (کامرس رپورٹر) یوٹیلٹی سٹورز کارپوریشن نے ایک کلو چینی کی قیمت میں 13 روپے جبکہ مختلف برانڈ کی 800 گرام کی چائے کی پتی کی قیمت میں 200 روپے سے 250 روپے جبکہ 430 گرام کی چائے کی قیمت میں 130روپے سے 190روپے کی کمی کر دی جبکہ اوپن مارکیٹ میں ایک کلو چینی کی قیمت 5روپے سے 10 روپے کم ہو گئی۔ جس سے یوٹیلیٹی سٹورز پر ایک کلو چینی کی قیمت 153 روپے سے کم ہو کر 140 روپے، 800گرام کی چائے کی پتی کی قیمت 1350روپے سے لیکر 1721روپے اور 430 گرام پتی کی قیمت 700روپے سے 900 روپے ہو گئی ہے جبکہ اوپن مارکیٹ میں ایک کلو چینی کی قیمت 145 روپے سے کم ہو کر 135 روپے سے 140 روپے ہو گئی ہے۔