فیروز والہ : زمیندار کے گھر70لاکھ کا ڈاکہ

فیروزوالہ(نامہ نگار)  موراں والا میں دن دہاڑے تین ڈاکو گھر گھس آئے‘ نوید اسلم اور مرید اسلم کی بیویوں اور والدہ کو یرغمال بنا کر24 تولے زیورات اور لاکھوں روپے نقدی دیگر قیمتی سامان لوٹ لیا ‘مالیت تقریبا 70 لاکھ روپے بتائی گئی ہے۔ میاں کالونی کے قریب تین ڈاکو عدنان اکرم سے موٹر سائیکل اور نقدی چھین کر فرار ہوگئے۔ جاوید نگر کے قریب تین ڈاکو رانا قمر سے نقدی اور موبائل چھین کر فرار‘ گلفشاں ٹاؤن کے قریب 3 ڈاکوئوں نے شاہزیب کو موٹر سائیکل سے دھکا دے کر نیچے گرا دیا اور 5لاکھ 60 ہزار روپے چھین کر لے گئے۔ ڈاکوؤں نے ذوالفقار علی کے گھر میں داخل ہو کر خواتین پر تشدد کیا‘ توڑ پھوڑ کی اور 5 تولہ طلائی زیورات 2 لاکھ روپے نقدی لے کر فرار ہوگئے ۔