رائیونڈ اجتماع کی پارکنگ ‘ٹریفک کیلئے خصوصی اقدامات کئے جائیں:سی سی پی او

لاہور(نامہ نگار)سربراہ لاہور پولیس بلال صدیق کمیانہ کی صدارت میں کیپٹل سٹی پولیس ہیڈ کوارٹرز میں سول لائن اور سٹی ڈویژنز کی کارکردگی سے متعلق اجلاس ہوا۔سی سی پی او لاہور نے کہا کہ رائیونڈ اجتماع کی پارکنگ اور ٹریفک کی روانی کو برقرار رکھنے کیلئے خصوصی اقدامات کئے جائیں۔ سپروائزری افسران انسداد منشیات آپریشنز کی خود نگرانی کریں۔کوالٹی آف انوسٹی گیشن پرخصوصی توجہ دی جائے،تا کہ مظلوم کو بروقت انصاف مل سکے۔انہوں نے تفتیش میرٹ اور پروفیشنل انداز میں کرنے کی ضرورت پر زور دیتے ہوئے کہا کہ اشتہاریوں کی گرفتاری کیلئے ہیومن انٹیلی جنس کیساتھ ساتھ جدیدٹیکنالوجی سے بھی فائدہ اٹھایا جائے۔