گوجرانوالہ:مختلف محکموں کے سربراہان کیساتھ اعلیٰ سطحی اجلاس

گوجرانوالہ(نمائندہ خصوصی)چیئرپرسن چیف منسٹر ڈائریکٹوریٹ آف ایویلیوایشن، فیڈ بیک، انسپیکشن اینڈ مانیٹرنگ بریگیڈیئر (ر) بابر علاؤالدین نے گوجرانوالہ کا دورہ کیااورجی ڈی اے،واسا،مونسپل کارپوریشن ،پی ایچ اے اور دیگر اداروں کے سربراہان کے ساتھ ایک اعلیٰ سطحی میٹنگ کی۔چیئرمین واسا عمر فاروق ڈار ،ڈائریکٹر جنرل جی ڈی اے  ،سی ای اوکارپوریشن حیدر چٹھہ،ڈائریکٹر پی ایچ اے عتیق الرحمان،ایم ڈی واسا فیصل شوکت،ڈائریکٹر ایڈمن واسا رانا مقصود، سمیت دیگر افسران نے شرکت کی۔بریگیڈیئر (ر) بابر علاؤالدین نے اجلاس سے خطاب کرتے ہوئے کہا کہ وزیر اعلی پنجاب مریم نواز شریف صوبہ بھر میں تعمیروترقی کے معیار کو بہتر بنانے میں خصوصی طور پر کام کر رہی ہیں۔