لاہور(سپورٹس رپورٹر )قومی کرکٹ ٹیم کے کھلاڑیوں نے ہیڈ کوچ جیسن گلیسپی کی اکیڈمی کا دورہ کیا جہاں انہوں نے سہولیات کا جائزہ لیا۔ایڈیلیڈ میں قومی ٹیم کے کھلاڑیوں نے جیسن گلیسپی کے ہمراہ ان کی اکیڈمی میں وقت گزارا اور وہاں پر موجود ٹریننگ سینٹر کا جائزہ لیا۔پاکستانی کھلاڑیوں نے وہاں پر دستیاب بائولنگ مشینز سمیت سہولتوں کی تعریف کی اور اکیڈمی کی دکان سے کرکٹ کا سامان بھی خریدا۔