لاہور(سپورٹس رپورٹر)پاکستان ہاکی کے نوجوان کھلاڑی سفیان خان کو انٹرنیشنل ہاکی فیڈریشن نے ایمرجنگ پلیئر آف دی ایئر قرار دیا ہے۔نوجوان قومی کھلاڑی کو اومان میں اس ایوارڈ سے نوازا جائیگا۔سفیان نے اس سال اذلان شاہ ہاکی ٹورنامنٹ میں بہترین کھلاڑی کا اعزاز حاصل کیا تھا جبکہ حال ہی میں چین میں منعقدہ ایشین چیمپئنز ٹرافی میں بھی چار گول کیے تھے۔ایشین ہاکی چیمپئنز ٹرافی میں پاکستان کی جانب سے تیسری پوزیشن حاصل کرنے کے بعد فیڈریشن آف انٹرنیشنل ہاکی نے ایف آئی ایچ سٹارز ایوارڈ کی نامزدگیوں کا اعلان ماہرین کی رائے کے بعد کیا تھا۔