فتح جنگ(نامہ نگار)پاکستان نعت کونسل انٹرنیشنل فتح جنگ کے زیر اہتمام مقابلہ حسن نعت کی پر وقار تقریب فتح جنگ کالج آف کامرس اینڈ سائنسز میں پروفیسر اشتیاق علی ندیم کی زیر صدارت منعقد ہوئی مہمان خصوصی مرکزی صدر میاں عبدالقیوم ترازی ایڈووکیٹ تھے دیگر مہمانا ن گرامی میں ڈاکٹر محمود احمد طارق،ڈاکٹر غلام یاسین اطہر،ملک محمد علی پرنسپل علی گرائمر سکول،سینئر صحافی طارق ایم قادری تھے مقابلہ حسن نعت میں مختلف سکولوں کے بچوں نے حصہ لیا مقابلہ میں منتخب ہونے والے بچے آل پاکستان مقابلہ حسن نعت جو اگلے مہینے ڈسٹرکٹ کورٹ راولپنڈ ی میں ہونگے فائنل کیلئے ان کا انتخاب عمل میں لایا گیا مہمان خصوصی میاں عبدالقیوم ترازی ایڈووکیٹ نے کہا کہ پاکستان نعت کونسل انٹرنیشنل کے زیر اہتمام پورا سال پاکستان بھر سے پرائیویٹ اور سرکاری سکولوں و کالجز کے طلبہ کے مابین مقابلہ حسن نعت منعقد کراتی ہے ان مقابلہ جات میں منتخب ہونے والے بچے کل پاکستان مقابلہ حسن نعت میں شرکت کرتے ہیں انھوں نے کہا کہ انتہائی ادب اور قرینے سے محفل نعت منعقد کرانے پر اشتیاق علی ندیم کے شکر گزار ہیں انھوں نے کہا کہ عشق رسول ؐ کے فروغ کیلئے پرفیسرا شتیاق علی ندیم کی کاوشیں قابل تحسین ہیں پرنسپل ایف سی سی ایس پروفیسر اشتیاق علی ندیم نے کہا کہ ان کے کالج میں آقا کریم ؐ کے ذکر کی محفل منعقد ہونا باعث برکت و فخر ہے  تقریب کے اختتام پر صلو سلام پڑھا گیا اور اجتماعی دعا کی گئی فائنل کیلئے منتخب ہونے والے بچوں میں اسناد تقسیم کی گئیں۔