عدالت نے اعظم سواتی کی 7 روزہ جسمانی ریمانڈ کی درخواست منظور کر لی 

راولپنڈی(آئی این پی ) انسداد دہشت گردی عدالت راولپنڈی نے جلا ئوگھیرائو کیس میں  پی ٹی آئی  رہنما اعظم سواتی کا مزید 7 روزہ جسمانی ریمانڈ منظور کرلیا۔انسداد دہشت گردی عدالت کے جج امجد علی شاہ نے 5 اکتوبر کو ہنگامہ آرائی، توڑ پھوڑ اور جلا ئوگھیرا ئوکیس کی سماعت کی۔ پولیس نے ملزم کے جسمانی ریمانڈ میں توسیع کی درخواست کی۔ اعظم سواتی نے کہا کہ ایک یا دو دن کے بجائے ایک ہی بار پولیس کو سات روزہ ریمانڈ دے دیں ۔عدالت نے پولیس کی درخواست اور اعظم سواتی کی اس  پیشکش پر ریمانڈ میں توسیع کی استدعا منظور کر لی۔جج امجد علی شاہ نے اعظم سواتی کا مزید 7 روزہ جسمانی ریمانڈ منظور کرتے ہوئے تفتیش مکمل کرکے 13 نومبر کو دوبارہ پیش کرنیکا حکم دیا۔