نئی دہلی (آن لائن)بھارت کا جنگی جنون برقرار، جوہری میزائل پرتھوی ٹو کا کامیاب تجربہ کرنے کا دعویٰ کیا ہے۔ بھارتی میڈیا رپورٹ کے مطابق 350 کلو میٹر رینج والے پرتھوی میزائل کو پیر کے روز اودیسیہ بنگلور میں قائم چندی پور رینج سے فائر کیا گیا۔ جدید میزائل اندرون ملک تیار کر دہ 350 کلو میٹر جوہری وار ہیڈ کے ساتھ دشمن کے ٹھکانوں کو نشانہ بنانے کی صلاحیت رکھتا ہے۔ ڈی ڈی آر کا کہنا ہے کہ میزائل تجربہ کامیاب رہا اور اودیسیہ کے ساحل پر نصب ٹریکنگ سسٹم کے ذریعے اس کو ٹریک کیا گیا ہے۔