سفارش پرتقرریاں، کام نہ کرنیوالے ڈاکٹر گھر جائیں: وزیراعلی سندھ

کراچی (صباح نیوز) وزیر اعلیٰ سندھ مراد علی شاہ نے کہا ہے کہ سفارش پر تقرریاں کرانے والے اور کام نہ کرنے والے ڈاکٹرز گھر جائیں ہمیں صحت کے شعبے میں غفلت برداشت نہیں۔وزیر اعلی سندھ کی زیرصدارت محکمہ صحت کا اجلاس ہوا۔ اجلاس میں سیکرٹری صحت سندھ نے مراد علی شاہ کو بریفنگ دی اور بتایا گیا کہ محکمہ صحت میں 7 ہزار 948 اسامیاں اب بھی خالی ہیں۔ وزیر اعلی کا کہنا تھا کہ وزیر اورسیکرٹری صحت ہیلتھ ڈیپارٹمنٹ میں ڈسپلن لائیں اور ایک ایسا سافٹ وئیر بنایا جائے جس میں تمام ریکارڈ اور ڈیٹا موجود ہو۔ ان کا کہنا تھا کہ جو ڈاکٹرز کام نہیں کرتے وہ گھر جائیں اوراگر کسی ڈاکٹر کی ڈائریکٹ سفارش پر پوسٹنگ ہوئی ہے تو وہ بھی نوکری سے جائے گا کیوں کہ صحت کے معاملے میں غفلت برداشت نہیں۔