لاہور(نمائندہ سپورٹس ) پاکستان سپر لیگ کے تیسرے ایڈیشن میں ویسٹ انڈیز کے کھلاڑیوں کی شرکت خطرے سے دوچار ہو گئی ہے ۔کرس گیل ‘ڈوین براوو‘سنیل نارائن ‘سیموئل بدری ‘آندرے رسل ‘مارلون سیموئلز سمیت کئی اور کھلاڑیوں نے اپنی صلاحیتوں کے جوہر دکھانے تھے مگر ویسٹ انڈیز کرکٹ ٹیم ورلڈکپ کیلئے براہ راست کوالیفائی کرنے میں ناکام رہی ہے جس کی وجہ سے اسے کوالیفائنگ رائونڈ کھیلنا ہے ۔ کوالیفائنگ رائونڈ بھی ان دنوں میں کھیلا جائے گاجب پاکستان سپر لیگ کا تیسر ایڈیشن کھیلا جائے گا۔ویسٹ انڈین کھلاڑیوں کو پاکستان سپر لیگ اور قومی ٹیم میں سے کسی ایک کا انتخاب کرنا پڑے گا۔