لاہور (خصوصی رپورٹر) مسلم لیگ(ن) کے رہنما خواجہ سعد رفیق نے این اے 131 میں کارنر میٹنگ سے خطاب کرتے کہا نئے پاکستان کا جھانسہ دے کر لوگوں کے جذبات سے کھیلا گیا۔ عمران خان نے جو وعدے کیے ان میں سے کوئی پورا نہیں کیا۔ نئے پاکستان میں بجلی، گیس‘ دال‘ چاول‘ چینی اور موٹرسائیکل کا چالان بھی مہنگا ہوگیا۔ بہت شوق ہے ہمیں جیلوں میں ڈالنے کا تو ڈالو‘ ہم توڑ کر باہر آئیں گے۔ شہبازشریف کو جیل میں ڈال دیا‘ ہم نے برداشت کیا لیکن اب نہیں کریں گے۔ نوازشریف‘ شہبازشریف‘ مریم نواز کو جیلوں میں ڈال دیا لیکن کوئی ثبوت نہیں ملا۔