جراسک پارک سیریز کی فلم ڈومینین کی ریلیز بھی ایک سال تاخیر کا شکار

ہالی وڈ کی چند بڑی فرنچائزز میں شامل جراسک پارک سیریز کی فلم ڈومینین کی ریلیز بھی ایک سال تاخیر کا شکار ہو گئی۔امریکی ذرائع ابلاغ کے مطابق امریکی فلم ساز ادارے یونیورسل پکچرز نے اعلان کیا ہے کہ فلم ڈومینین جو 11 جون 2021 کو ریلیز ہونی تھی اب ایک سال کی تاخیر سے 10 جون 2022 کو پیش کی جائے گی۔واضح رہے کہ کچھ ملکوں میں شائقین کی سینما گھروں میں واپسی تو ہوئی ہے لیکن فلم بینوں کی سب سے بڑی مارکیٹ امریکہ میں ابھی تک سنیما انڈسٹری کی بحالی سست رفتاری کا شکار ہے۔