لیاقت آبادالکرم اسکوائرسے ٹھیلے ،غیرقانونی پارکنگ ختم ،پتھارے مسمار

کراچی (وقائع نگار)ایس ایس پی ٹریفک سینٹرل سید صغیر حسین کی زیر نگرانی ڈی ایس پی جمشید ،لیاقت آباد جعفرعبّاس ایس او لیاقت آباد صدیق پھل ، اینٹی انکروچمنٹ اسکارڈ ٹریفک سینٹرل اور دیگر ٹریفک اسٹاف نے لیاقت آباد نمبر 10 سے الکرم اسکوائر تک ناجائز تجاوزات کے خلاف آپریشن کیا،آپریشن کے دوران ٹھیلے پتھارو اور غیر قانونی پارکنگ سے علاقے کو کلیئر کرادیا،ایس ایس پی ٹریفک سینٹرل سید صغیر حسین کاکہناتھاکہ اینٹی انکروچمنٹ کاروائی کے نتیجے میں ٹریفک کی روانی میں بہتری آئے گی انہوں نے کہاکہ تجاوزات کے مکمل خاتمے تک اینٹی انکروچمنٹ کارروائی جاری رہے گی ۔