ریکارڈمسلسل 37 میچز میں فتوحات اٹلی کو سپین کے ہاتھوں شکست

لاہور(سپورٹس ڈیسک )مسلسل 37 میچز میں فتوحات حاصل کرکے ورلڈ ریکارڈ بنانے والی اٹلی کی ٹیم کو سپین نے ہرادیا۔یوئیفا نیشن لیگ کے سیمی فائنل میں سپینش ٹیم نے دو ایک سے کامیابی حاصل کرکے فائنل تک رسائی حاصل کی۔ سپین کی جانب سے فیرن ٹوریس نے دو گول کیے۔نیشن لیگ میں کھیلے گئے سیمی فائنل میں سپین کے فیرن ٹوریس نے 17 ویں منٹ میں مائیکل اویارزبل کے کراس پر خوبصورت گول کرکے ٹیم کو برتری دلائی۔میچ کے 42 ویں منٹ میں اطالوی ڈیفینڈر بونوچی کو ریڈ کارڈ دکھادیا گیا۔سپین نے اس کا فائدہ اٹھاتے ہوئے ایک اور گول کردیا۔ فیرن ٹوریس نے ایک بار پھر ہیڈر کے ذریعے گیند کو جال کی راہ دکھائی۔دوسرے ہاف میں اٹلی کی جانب سے پیلگ رینی نے گول کرکے برتری کم کی لیکن سپین نے میچ دو ایک سے جیت کر یوئیفا نیشن کپ کے فائنل میں جگہ بنالی۔اٹلی کو مسلسل 37 فتوحات کے بعد شکست کا سامنا کرنا پڑا۔