پیپلز پارٹی گوجرانوالہ کی صدارت کیلئے ذیشان الیاس، طارق لون متحرک

گوجرانوالہ(فرحان میر سے )صدر پی پی پی سینٹرل پنجاب راجہ پرویز اشرف اور جنرل سیکر ٹری پنجا ب حسن مرتضیٰ کا آج دورہ گوجرانوالہ اہم تنظیمی امور کے جائزے کیساتھ ساتھ پیپلز پارٹی گوجرانوالہ کے سینئر راہنماؤں اور کارکنوں سے ملاقاتیں اور فوت ہو جانیوالے کارکنوں کے گھروں میں فاتحہ خوانی بھی کرینگے جبکہ مقامی قیادت کو،پارٹی پالیسی اور تنظیم سازی سمیت اہم تنظیمی فیصلوں پر اعتماد میں لیں گے ذرائع کے مطابق ارائیں برادری پیپلز پارٹی میں اپنا کھویا ہوا مقام واپس لینے کیلئے سابق سٹی صدر خالد ہمایوں کے قریبی عزیز چوہدری ذیشان الیاس کو سٹی صدر بنانے کی خواہشمند ہے جبکہ سٹی صدر ودود ڈار اور انکی فیملی ڈویژن،سٹی اور ضلع کے تین عہدوں پر براجمان ہے مگر بدقسمتی سے سٹی و ضلع میں پیپلز پارٹی صرف اخباری بیانوں کی حد تک ہی نظر آتی ہے لہٰذسٹی صدارت کا تاج پارٹی کی جانب سے کسے ملے گا اسکا فیصلہ آنے والے چند دنوں میں ہو جائیگا دوسری جانب سابق ایم این اے و ممبر فیڈرل کونسل محمد اسلم لون کے صاحبزادے خواجہ طارق نوید لون بھی گزشتہ سال سے کافی متحرک دکھائی دیتے ہیں انکو پیپلز پارٹی کے بانی ممبران ملک عبداباسط،خالد اسلام ڈار،مسرت جاویدخلجی ،نعمان عزیز ایڈووکیٹ جیسے بھٹو کے جیالوں کی حمایت حاصل ہے اور وہ ضلع کی صدارت کیلئے کوشاں دکھائی دیتے ہیں انکا کہنا ہے کہ پیپلز پارٹی کی اصل طاقت اسکے نظریاتی کارکن ہیں اگر موقع ملا تو انکو متحرک کیا جائیگا تاکہ پیپلز پارٹی بلاول کی قیادت میں اپنا کھویا مقام حاصل کرے صوبائی صدر راجہ پرویز اشرف ڈویثرنل صدر اعجاز ماں جنرل سیکٹری ارشاد اللہ سندھو،میاں اظہر حسن ڈار،طارق نوید لون سمیت ڈویثرن و ضلع کے عہدیداروں سے ملاقات کے بعد جلسہ عام سے خطاب بھی کریں گے ۔