عیدمیلادالنبیﷺپر مذہبی ہم آہنگی  کو برقراررکھاجائے،سعید احمدبیگ

کراچی (نیوز رپورٹر)پاک امن ویلفیئر ایسوسی ایشن کے چیئرمین سعید احمدبیگ نے کہاہے کہ رسول کریم ﷺ باعث تخلیق کائنات ہیں،اس میں کوئی شک نہیں کیونکہ خالق کائنات نے خودفرمایاکہ اے نبیﷺ تجھے تخلیق نہ کرتاتو دنیاکوبھی نہ بناتا۔لہٰذاہمیں حضورﷺ کی دنیامیں تشریف آوری کی خوشیاں بڑھ چڑھ کرمنانی چاہئیں۔انہوں نے مطالبہ کیاکہ حکومتی انتظامیہ جشن عید میلادالنبیﷺ کے موقع پر سیکورٹی کے حوالے سے تمام انتظامات مکمل کرے، جلوسوں اور اجتماعات کے منتظمین بھی انتظامیہ کے ساتھ تعاون کریں تاکہ امن وامان کا قیام یقینی بنایاجاسکے۔انہوں نے کہاکہ فول پروف انتظامات کئے جائیںاور قیام امن میں کوئی دقیقہ فروگزاشت نہ کیاجائے ،شرپسند عناصر پر کڑی نظررکھی جائے ۔انہوں نے کہاکہ ماہ ربیع الاول میں تمام مسلمان فرقہ وارانہ ہم آہنگی کو برقراررکھتے ہوئے آپس میں بھائی چارے اور نظم وضبط کا مظاہرہ کریں۔