شیخوپورہ (نمائندہ نوائے وقت) مرکزی انجمن تاجران کے صدر امجد نذیربٹ نے کہا ہے کہ  عشرہ رحمۃ العالمین ؐ میں نوجوان نسل کو پیارے نبی حضرت محمد ؐ کی سیرت طیبہ سے آگاہی دی جارہی ہے، حضرت محمدؐ کی زندگی ہم سب کیلئے مشعل راہ ہے، نوجوان نسل کو سیرت طیبہؐ پر عمل کر کے زندگی بسر کرنی چاہئے، حضرت محمد ؐ کی حیات طیبہ ہم سب کیلئے عملی زندگی کا بہترین نمونہ ہے، نوجوان نسل کو حضرت محمد ؐ کی تعلیمات پر مکمل عمل کرنا چاہئے تاکہ زندگی کا مقصد حاصل ہو ان خیالات کا اظہار انہوں نے میڈیا سے گفتگو کرتے کیا۔ انہوں نے مزید کہا کہ ربیع الاوّل شریف وہ مبارک مہینہ ہے ، حضور اکرمؐ کی تشریف آوری سے ہی ہمیں ایمان کی دولت نصیب ہو ئی ،جشن عید میلاد النبیؐ منانا ایمان کی نشانی ہے عاشقان رسول قیامت تک ناموس رسالت کا تحفظ اور جشن عید میلاد النبیؐ مناتے رہیں گے۔