حضور اکرم ؐ کے فرمودات انسانیت کیلئے روشن مینار ہے :حاجی رفیق 

شیخوپورہ (نمائندہ خصوصی) ہاشم ویلفیئر سوسائٹی کے سر پرست اعلیٰ حاجی محمد رفیق نے کہا ہے کہ نبی کریم ؐ کی تعلیمات پر عمل پیرا ہو کر ہی ہم دنیا آخرت کی بھلائیاں اورکامرانیاں حاصل کرسکتے ہیں نبی رحمت نے دنیا پر چھائی جہالت کی تاریکیوں کو اپنی تعلیمات کی روشنی سے منور کیا اور بھٹکی ہوئی انسانیت کو سیدھا راستہ دکھایا ان خیالات کا اظہار انہوں نے ہاشم ٹائون میں سیرت النبی ؐ کانفرنس سے خطاب کرتے کیا ۔ اس مو قع پر حکیم خالد محمود ، چوہدری خادم مان ، ظہیر احمد ، رضوان احمد ، عدنان اسلم اور دیگر بھی موجود تھے۔ حاجی رفیق نے کہا کہ حضور اکرم ؐ کی ولادت با سعادت پر دنیا میں نور پھیل گیا ظلمت کے اندھیرے چھٹ گئے آپؐ کی آمد سے قبل معاشرے میں جرائم برائیاں ، بیٹیوں کو زندہ درگور کرنے سمیت دیگر مظالم بڑھ چکے تھے انہوں نے کہاکہ قرآن پاک اور حضور اکرم ؐ کے فرمودات انسانیت کیلئے روشن مینار ہے ۔