لاہور(سپورٹس رپورٹر)رواں سال قطر میں ہونیوالا فٹبال ورلڈ کپ ارجنٹائن کے  لیونل میسی کے کیریئر کا آخری ورلڈکپ ہوگا۔اس بات کی تصدیق سٹار فٹبالر نے خود اپنے ایک بیان میں کی۔لیونل میسی رواں سال نومبر میں ہونے والا اپنا آخری فٹبال ورلڈکپ کھیلیں گے۔35 سالہ میسی نے کہا کہ  یقینا  یہ میرا آخری ورلڈ کپ ہے،  جسمانی طور پر اچھا محسوس کر رہا ہوں، میں اس سال اچھا پری سیزن کھیلنے میں کامیاب رہا،جو میں پچھلے سال نہیں کر سکا تھا'میسی نے 2005 میں انٹرنیشنل کیریئر کا آغاز کیا  تھا اور  ارجنٹائن کے لیے 164میچز کھیلے اور 90 گول کیے۔