کراچی(کامرس رپورٹر) ٹریڈ ڈیولپمنٹ اتھارٹی پاکستان(ٹی ڈی اے پی) کے ٹیکسٹائل اور لیدر ڈویژن کے افسران نے ٹاولز مینوفیکچررز ایسوسی ایشن(ٹی ایم اے)کے دفتر میں ٹاولز ایکسپورٹرز اور مینوفیکچررز سے ٹیکسپونمائش2023کے حوالے سے ملاقات کی۔ ٹڈاپ کی ٹیم نے تولیے کے برآمدکنندگان کوچوتھی بین الاقوامی ٹیکسٹائل نمائش ٹیکسپو2023 کے بارے میں آگاہ کیا ،یہ نمائش کراچی ایکسپو سینٹر میں 26 سے 28 مئی 2023 تک منعقد ہوگی ۔ اس موقع پرشرکاء کو بتایا گیا کہ یہ نمائش کس طرح تولیے کی برآمدات کو بڑھانے کے لیے سود مند ثابت ہوگی۔ٹڈاپ کی ٹیم دیگر ایسوسی ایشنز، ٹریڈ باڈیز، اور چیمبرز کے ساتھ اسی طرح کی میٹنگیں کرے گی۔