In 75 years since The Nakba, Israel has repeatedly confirmed its status as an outpost of Western imperialism. A genocidal apartheid state, dedicated to the extermination of Palestinian people.
— Khawaja M. Asif (@KhawajaMAsif) October 7, 2023
Restoration of pre 1967 boundaries is an essential prerequisite to peace. Palestinians…
مسلم لیگ ن کے رہنما اور سابق وزیر دفاع خواجہ آصف نے فلسطینی اور اسرائیل میں جاری کشیدگی پر اپنے خیالات کا اظہار کرتے ہوئے کہا کہ اسرائیل نے ایک بار پھر ثابت کر دیا کہ وہ مغربی سامراجیت کی چوکی ہے۔سوشل میڈیا پر بیان جاری کرتے ہوئے مسلم لیگ ن کے رہنما خواجہ آصف نے لکھا کہ اسرائیل نسل پرست ریاست ہے جو فلسطینی عوام کو ختم کرنےکا تہیہ کیے ہوئے ہے۔انھوں نے کہا کہ امن کیلئے لازم ہے فلسطین کی 1967 کی پہلےکی سرحدوں کو بحال کیا جائے۔خواجہ آصف نے اپنے پیغام میں مزید لکھا کہ فلسطینیوں نے آزادی کے حق اور اپنی سرزمین پر امن سے رہنےکا حق استعمال کیا ہے۔واضح رہے کہ فلسطینی مزاحمتی تحریک حماس کے اسرائیل پر حملوں میں سینئر فوجی کرنل سمیت ہلاک اسرائیلیوں کی تعداد 500 سے تجاوز کر گئی جب کہ 1800سے زائد افراد زخمی ہوگئے۔اس کے علاوہ عرب میڈیا کا بتانا ہے کہ اسرائیلی فوج کی جانب سے حماس کے حملوں میں 200 اسرائیلیوں کی ہلاکت کی تصدیق کر دی گئی ہے۔
