شیخوپورہ: پولیس کی کارروائیاں ‘ 4 ملزم گرفتار ‘ 5 کلو آئس برآمد  

شیخوپورہ(نمائندہ خصوصی+ نمائندہ نوائے وقت) ڈی پی او شیخوپورہ کی ہدایت پر ایس ایچ او تھانہ خانقاہ ڈوگرں، ایس ایچ او تھانہ فیروزوالہ اور انکی ٹیموں نے منشیات فروشوں کیخلاف کارروائیاں کر تے ہو ئے 4 ملزموں کو گرفتار کر کے تقریباً 5 کلو آئس برآمد کر لی ۔ پولیس نے مقدمات درج کر کے تفتیش شروع کر دی۔ ڈی پی او شیخوپورہ بلال ظفر شیخ کا کہنا تھا کہ پولیس ضلع بھر میں منشیات کے خاتمے کیلئے دن رات اپنے فرائض کی ادائیگی میں مصروف عمل ہے۔