ایم ڈی نیشنل بک فا ئو نڈ یشن کو لیجنڈری اکیڈمیا چوائس ایوارڈسے نوازا گیا

اسلام آباد ( خصوصی ر پور ٹ )نیشنل بک فانڈیشن کے منیجنگ ڈائریکٹر، مراد علی مہمند کو آل سندھ پرائیویٹ اسکولز اینڈ کالجز ایسوسی ایشن کی جانب سے لیجنڈری اکیڈمیا چوائس ایوارڈ 2024 سے نوازا گیا ہے۔ یہ ایوارڈ، جو عالمی یوم اساتذہ کے موقع پر دیا گیا، ان کی پاکستان بھر میں کتب کے کلچر کو فروغ دینے اور مطالعے کی عادت کو عام کرنے کی غیر معمولی کاوشوں کے اعتراف کے طور پر پیش کیا گیا۔یہ پروقار تقریب پی سی ہوٹل کراچی میں منعقد ہوئی جس میں معزز شخصیات نے شرکت کی، جن میں وزیر برائے بلدیات سعید غنی، سیکریٹری ایجوکیشن کالج آ صف اکرام، ڈاکٹر غلام علی ملاح ایگزیکٹو ڈائریکٹر IBCC سمیت دیگر معززین، ارکان پارلیمان اور تعلیمی رہنما شامل تھے۔ایوارڈ حاصل کرنے کے بعد، مراد علی مہمند نے اس بات پر زور دیا کہ وہ کتب اور مطالعے کے شوق کو فروغ دینے کے مشن کو جاری رکھیں گے۔