کارڈیف میں کھیلےگئےمیچ میں پاکستان نے ٹاس جیت کرپہلے کھیلنے کا فیصلہ کیا جوموثرثابت نہ ہوسکا اور پوری ٹیم نواسی رنز بنا کرپویلین لوٹ گئی۔ یہ پاکستان کا ٹونٹی ٹونٹی کرکٹ میں کم ترین سکورہے۔ عمراکمل نے سترہ،عمر گل نے سولہ،محمد حفیظ نے چودہ اور عبدالرزاق او کامران اکمل نے گیارہ، گیارہ رنز بنائے۔ کپتان شاہد آفریدی دو، شاہ زیب حسن تین اورمحمد یوسف چار رنز بنا کر پویلین لوٹ گئے جبکہ فواد عالم کھاتہ ہی نہ کھول سکے۔ انگلینڈ کی جانب سےٹم برینسن نے تین،سائیڈ بوٹم، گریم سوان اور سٹیورٹ براڈ نے دو، دو کھلاڑیوں کو آؤٹ کیا۔ جواب میں انگلینڈ کی ٹیم نےمطلوبہ ہدف چارکھلاڑیوں کے نقصان پرچودہ اوورزمیں پورا کرلیا۔ انگلینڈ نے ٹونٹی ٹونٹی میچوں کی سریز بھی دو صفر سے اپنے نام کر لی ہے۔