ذرائع کے مطابق مہمند ایجنسی کی تحصیل خوئیزئی کے علاقے فقیرآباد میں سابق سینیٹر عبدالرحمان فقیرکے حجرے میں بارودی سرنگ کے دوزوردار دھماکے ہوئے ، جن کے نتیجے میں خاصہ دار فورس کے ایک اہلکارسمیت دو افراد زخمی ہوگئے ۔ واقعہ کے بعد قانون نافذ کرنیوالے اداروں نے علاقے کو گھیرے میں لے لیا اورسرچ آپریشن شروع کردیا ۔ اسی دوران بم ڈسپوزل سکواڈ کا عملہ بھی جائے حادثہ پرپہنچ گیا اوراس نے حجرے میں نصب تیسری بارودی سرنگ کو ناکارہ بنادیا ۔ واقعہ کے بعد علاقے بھرمیں خوف وہراس پھیلا ہوا ہے ۔